ಕಲಿವೀರ ಎಂಬ ಚಿತ್ರ ಸದ್ಯದ ಮಟ್ಟಿಗೆ ಕನ್ನಡ ಚಿತ್ರರಂಗದಲ್ಲಿ ಬಹಳ ನಿರೀಕ್ಷೆ ಮೂಡಿಸಿರುವ ಆಕ್ಷನ್ ಸಿನಿಮಾ.

ಕಲಿವೀರ ಎಂಬ ಚಿತ್ರ ಸದ್ಯದ ಮಟ್ಟಿಗೆ ಕನ್ನಡ ಚಿತ್ರರಂಗದಲ್ಲಿ ಬಹಳ ನಿರೀಕ್ಷೆ ಮೂಡಿಸಿರುವ ಆಕ್ಷನ್ ಸಿನಿಮಾ.

ಗಾಂಧೀ ನಗರದ ಪಂಡಿತರ ಲೆಕ್ಕಚ್ಚಾರದಲ್ಲೇ ಬಹಳ ಬೇಡಿಕೆಯ ಸಿನಿಮಾ ಕಲಿವೀರ. ಕಲಿವೀರ ಚಿತ್ರ ಆರಂಭದ ದಿನಗಳಿಂದಲೂ ಒಂದಲ್ಲಾ ಒಂದು ವಿಷಯಗಳಿಂದ ಸದ್ದು ಮಾಡುತ್ತಲೆ ಬಂದಿದೆ. ಪ್ರಾರಂಭದಲ್ಲಿ ಹಲವು ಸ್ಟಾರ್ ಗಳ ವಿಭಿನ್ನ ಗೆಟಪ್ಗಳಲ್ಲಿ ಕಲಿವೀರ ಚಿತ್ರದ ನಾಯಕನ ಆಯ್ಕೆಯನ್ನು ಜನತೆಗೆ ಬಿಟ್ಟಿದ್ದ ಚಿತ್ರತಂಡ ನಂತರ ಉತ್ತರ ಕರ್ನಾಟಕದ ಪ್ರತಿಭೆಯನ್ನು ನಾಯಕ ನಟನನ್ನಾಗಿ ಮಾಡಿತು. ಇತ್ತೀಚೆಗೆ ಆನ್ಲೈನ್ ಮೀಡಿಯಾಗಳಲ್ಲಿ ಕಲಿವೀರ ಮೇಕಿಂಗ್ ವೀಡಿಯೋ ಹರಿಬಿಟ್ಟ ಚಿತ್ರತಂಡ, ಕಲಿವೀರ ಚಿತ್ರದ ಮೇಲೆ ಕುತೂಹಲ ಹೆಚ್ಚಿಸಿದೆ. ಇತ್ರದ ಫಸ್ಟ್ ಲುಕ್ ಕೂಡ ತುಂಬ ವೈರಲ್ ಆಗಿದ್ದು ಚಿತ್ರ ಯಶಸ್ವಿಯಾಗುವ ಎಲ್ಲಾ ಸೂಚನೆಗಳು ಚಿತ್ರ ತಂಡಕ್ಕಿದೆ. ಉತ್ತರ ಕರ್ನಾಟಕದ ಎಲ್ಲೆಡೆ ಕಲಿವೀರ ಭಾರಿ ಹವಾ ಸೃಷ್ಟಿಸಿದೆ.

ಕನ್ನಡ ದೇಶದೊಳ್ ಎಂಬ ಅಪ್ಪಟ ಕನ್ನಡಾಭಿಮಾನದ ಚಿತ್ರ ನಿರ್ದೇಶಿದ್ದ ಅವಿರಾಮ್. ಈ ಬಾರಿ ಪಕ್ಕಾ ಕಮರ್ಷಿಯಲ್ ಆಕ್ಷನ್ ಸಿನಿಮಾ ಕಲಿವೀರಕ್ಕಾಗಿ ರಚನೆ ಹಾಗು ನಿರ್ದೇಶನ ಮಾಡಿದ್ದಾರೆ. ಕಲಿವೀರ ಚಿತ್ರದ ಬಗ್ಗೆ ಸ್ಯಾಂಡಲ್ ವುಡ್ ನಲ್ಲಿ ಪ್ರಮೋಷನ್ ವಿಚಾರದಲ್ಲಿ ಮೆಚ್ಚುಗೆಯ ಮಾತುಗಳು ಬರುತ್ತಿರುವುದು ನಿರ್ದೇಶಕ ಅವಿ ರವರ ಚಿತ್ರದ ಮೇಲಿನ ಪ್ರೀತಿ ಸಾಮರ್ಥ್ಯವನ್ನು ತೋರುತ್ತದೆ. ಇನ್ನೂ ಕಲಿವೀರ ಚಿತ್ರದ ನಾಯಕನಾಗಿ ಉತ್ತರ ಕರ್ನಾಟಕದ ಬಹುಮುಖ ಪ್ರತಿಭೆ ಏಕಲವ್ಯ ಪ್ರಥಮ ಬಾರಿಗೆ ಅಭಿನಯಿಸಿದ್ದಾರೆ. ನಾನಾ ಥರದ ಕಲೆಗಳನ್ನು ಕಲಿತು ಭರ್ಜರಿಯಾಗಿ ಸಿದ್ದತೆ ಮಾಡಿಕೊಂಡಿದ್ದು ಕಲಿವೀರದಿಂದ ಭರವಸೆಯ ನಾಯಕನಟನೊಬ್ಬ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡುತ್ತಿದ್ದಾರೆ. ಜ್ಯೋತಿ ಆರ್ಟ್ಸ್ ಚೊಚ್ಚಲ ಬಾರಿಗೆ ಅದ್ದೂರಿಯಾಗಿ ನಿರ್ಮಾಣ ಮಾಡಿರುವ ಕಲಿವೀರ ಸೆನ್ಸಾರ್ ಮಂಡಳಿಯ ಅಂಗಳಕ್ಕೆ ಕಾಲಿಟ್ಟು, ಕೊರೊನ ಪರಿಸ್ಥಿತಿ ಸರಿ ಹೋದಾಗ ಚಿತ್ರಮಂದಿರಗಳಿಗೆ ಆದಷ್ಟು ಬೇಗ ಲಗ್ಗೆ ಇಡುವುದು ಖಚಿತ ಎಂದು ನಿರ್ದೇಶಕ ಅವಿ ವಿವರಣೆ ನೀಡಿದರು

  ನಿರ್ದೇಶಕ ಅವಿ