“ತಾಯಿ ಕನ್ನಡತಿ ನಿನ್ನೊಳಿರುವ ಶಾಂತಿ ಸಹನೆ ಪ್ರೀತಿ ಕೊಡು ಎಲ್ಲರಿಗು ಎಲ್ಲರ ನುಡಿಯಾಗಲಿ ಕನ್ನಡ ಎಲ್ಲರ ನಡೆಯಾಗಲಿ ಕನ್ನಡ”

“ಕನ್ನಡಮ್ಮನ ಗುಡಿಯಲಿ
ಸದಾಕ್ಷರದ ಅರ್ಚನೆ ನಡೆಯಲಿ
ತನು-ಮನಗಳೇ ಅದಕೆ ಎಣ್ಣೆ-ಪಣತಿಯಾಗಿರಲು
ಷಡ್ಗುಣದ ಕನ್ನಡಗರ ಕೊರಳ ನುಡಿಗಳು ಮುತ್ತಿನ ತೋರಣವ ಕಟ್ಟಿವೆ
ದಶದಿಕ್ಕುಗಳಿಗೆ ಬೆಳಗಿಹುದು ಬಾನ ತುಂಬ ಬೇಳಕು
ಅದಕ್ಕೆ ಇಹುದು ಕನ್ನಡಮ್ಮನ ನೆಲದಲ್ಲಿ ನಿತ್ಯ ಕನ್ನಡೋತ್ಸವದ
ಉತ್ಸಹ ಕನ್ನಡಿಗರ ಮನ-ಮನಗಳಿಲ್ಲಿ”

ಮತ್ತೇ ರಾಜ್ಯೋತ್ಸವ ಬಂದಿದೆ, ಕನ್ನಡಿಗರಲ್ಲಿ ಸಂತಸ ತಂದಿದೆ, ಮಳೆಗಾಲದಂತೆ, ಚಳಿಗಾಲದಂತೆ, ದೀಪಾವಳಿಯಂತೆ, ಸಂಕ್ರಾoತಿಯoತೆ ಕನ್ನಡ ರಾಜ್ಯೋತ್ಸವ ಕೂಡ ಪತ್ರಿ ವರ್ಷ ಬರುತ್ತದೆ, ಕನ್ನಡ ಮನಸ್ಸುಗಳಲ್ಲಿ ಹೊಸ ಸಂಚಲನ ಮೂಡಿಸುತ್ತದೆ, ಆದರೆ ಮಹಾಮಾರಿ ಕೊರೋನಾದಿಂದಾಗಿ ಈ ವರ್ಷ ಕನ್ನಡ ರಾಜ್ಯೋತ್ಸವ ಉತ್ಸಹ ಸರಳ ರೀತಿಯಲ್ಲಿ ಆಚಸಿರುತ್ತಿರುವ ಹಿನ್ನೆಲೆ ಕನ್ನಡಿಗರಿಗೆ ಕೊಂಚ ನಿರಾಸೆ ಉಂಟಾಗಿದೆ.

ಉದಯವಾಗಲಿ ನಮ್ಮ ಚೆಲುವ ಕನ್ನಡ ನಾಡು ಹುಯಿಲಗೋಳ ನಾರಾಯಣ ರಾಯರ ಹಾಡನ್ನು ಅಂದಿನoತೆಯೇ ಇಂದು ಕೂಡ ಹಾಡುತ್ತಿದ್ದೆವೆ, ಉದಯವಾಯಿತು ಎಂದು ಬದಲಿಸಿ ನಿತ್ಯೋತ್ಸವ ಆಚರಿಸುವ ಸ್ಥಿತಿ ಪ್ರಾಪ್ತವಾಗಿಲ್ಲ ಹೆಸರಾಯಿತು ಕರ್ನಾಟಕ ಉಸಿರಾಗಲಿ ಕನ್ನಡ ಎಂಬ ಕವಿ ಚೆನ್ನವೀರ ಕಣಿವಿಯವರ ಆಶಯ ಅನುಷ್ಠಾನಕ್ಕಿಳಿದಿಲ್ಲ, ಆದರೂ ಕುವೆಂಪು ಬರೆದಂತ ಬಾರಿಸು ಕನ್ನಡ ಡಿಂಡಿಮನ ಓ ಕರ್ನಾಟಕ ಹೃದಯ ಶಿವ! ದ.ರಾ.ಬೇಂದ್ರ, ಶಿವರಾಮ ಕಾರಂತ, ಮಾಸ್ತಿ ವೆಂಕಟೇಶ, ವಿನಾಯಕ ಕೃಷ್ಣ ಗೋಕಾಕ, ಗಿರೀಶ ಕಾರ್ನಾಡ, ಅನಂತಮೂರ್ತಿ, ಶಿವರುದ್ರಪ್ಪ, ನರಸಿಂಹಸ್ವಾಮಿ, ಪೂರ್ಣಚಂದ್ರ ತೇಜಸ್ವಿ, ಪಂಪ, ರನ್ನ, ಪೊನ್ನ, ಜನ್ನ ಹಿಗೇ ಅನೇಕ ಕವಿಗಳು ತಮ್ಮ ಲೇಖನೆಗಳ ಮೂಲಕ ಕನ್ನಡಾಂಬೆಯನ್ನು ಹಾಡಿ ಹೋಗಳಿದ್ದಾರೆ, ಹಾಗೆ ಕಿತ್ತೂರ ಚೆನ್ನಮ್ಮ, ಸಂಗೋಳ್ಳಿ ರಾಯಣ್ಣ, ಒನಕೆ ಓಬವ್ವ, ಬೆಳವಡಿ ಮಲ್ಲಮ್ಮ, ಉಮಾಬಾಯಿ ಕುಂದಾಪೂರ ಇವರು ಕೂಡಾ ಸ್ವಾತಂತ್ರ ಸಂಗ್ರಾಮದಲ್ಲಿ ಹೋರಾಡಿ ಕನ್ನಡದ ಕಿರ್ತಿಯನ್ನು ಹೆಚ್ಚಿಸಿದಾರೆ. ಸಿರಿಗನ್ನಡಮ್ಮನ ಗುಡಿಗೆ 8ನೇಯ ಜ್ಞಾನಪೀಠದ ಗರಿಯನ್ನು ಮೂಡಿಸಿದ ಚಂದ್ರಶೇಖರ ಕಂಬಾರ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಸ್ವಾತಂತ್ರ ಪೂರ್ವದಲ್ಲಿ 20 ಆಡಳಿತಗಳಲ್ಲಿ ಹಂಚಿಹೋಗಿದ್ದ ಈ ನೆಲ 1947ರಲ್ಲಿ ಐದು ಆಡಳಿತಗಳಿಗೆ ಒಳಪಟಿತ್ತು 1956ರಲ್ಲಿ ಏಕೀಕೃತ ಮೈಸೂರು ರಾಜ್ಯ ಅರಳಿತು,1973ರಲ್ಲಿ ಕರ್ನಾಟಕವಾಯಿತು, ವರ್ಷಗಳಲ್ಲಿ ಏನೇನೆಲ್ಲ ಆಯಿತು? ಸರ್ವ ಜನಾಂಗದ ಶಾಂತಿಯ ತೋಟ,ರಸಿಕರ ಕಂಗಳ ಸೆಳೆಯುವ ನೋಟ ಹೀಗಿದೆ? ಭಾರತ ಜನನಿಯ ತನುಜಾತೆ ಈಗ ನಮ್ಮ ನಾಡಗೀತೆ ಇಷ್ಟಾದರೆ ಮುಗಿಯಿತೆ? ಬಾಳಾಗುವುದು ಬೇಡವೇ ಸುಂದರ ಭಾವಗೀತೆ ನೀಗುವುದು ಬೇಡವೆ ಈ ನೆಲದ ಮಕ್ಕಳ ನೂರೆಂದು ವ್ಯೆಥೆ, ಕನ್ನಡ ಮಕ್ಕಳ ಬದುಕಿನಲ್ಲಿ ಬೇಡವೆ ಇನ್ನೊಂದಿಷ್ಟು ರೋಚಕತೆ.

ಕನ್ನಡ ಬಗ್ಗೆ ನಿಮಗೇಷ್ಟು ಗೊತ್ತು, ಬನ್ನಿ ಹೋಗೊಣ ಕರುನಾಡಿನಲ್ಲಿ ಒಂದು ಸುತ್ತು, ತೋರಿಸ್ತಿವಿ ಕನ್ನಡ ಸಂಪತ್ತು ಪಟ್ಟದಕಲ್ಲು, ಬೇಲೀರು, ಹಳೇಬೀಡು, ಶ್ರವಣಬೆಳಗೊಳ, ಹಂಪೆ, ವಿಜಯಪುರ, ಮೈಸೂರು, ಶ್ರೀರಂಗಪಟ್ಟಣ, ಮೇಲಕೋಟೆ, ಶಿವನ ಸಮುದ್ರಜಲಪಾತ, ಚಿತ್ರದುರ್ಗ, ಭದ್ರಾವತಿ, ಬನವಾಸಿ, ಉಡುಪಿ, ಬದಾಮಿ, ತಲಕಾಡು, ಬನಶಂಕರಿ, ಎಲ್ಲಮ್ಮಗುಡ್ಡ, ಗುಡ್ಡಾಪೂರ, ಗೊಡಚಿ, ಕೂಡಲ ಸಂಗಮ ಹೀಗೆ ಕಣ್ಣಿಗೆ ಆನಂದ ಮೂಡಿಸುವಂತ ಪ್ರಸಿದ ಪ್ರವಾಸ ಸ್ಥಳಗಳನ್ನು ನಮ್ಮ ಕರ್ನಾಟಕದಲ್ಲಿ ಪ್ರವಾಸಿಗರನ್ನು ಕೈ ಬೀಸಿ ಕೆರೆಯುತ್ತಿವೆ.

ಕನ್ನಡದ ತಾಕತ್ತು, ಗತ್ತು, ವೈಭವ ನಮ್ಮ ಕನ್ನಡ ನಾಡು, ನುಡಿ, ಸಂಸ್ಕೃತಿಯನ್ನು “ಸರ್ವಜ್ಞ , ಜಗಜ್ಯೋತಿ ಬಸವಣ್ಣ, ದಾಸರ ಶರೀಪರ ಸಂದೇಶ ಸಾರೈತಿ ಕನ್ನಡದ ಹಿರಿಮೆ ಹೆಚೈತಿ….. ಆದರಿಂದ ಮುಗಿದ ದಿನದ ಮೆಲುಕು ಹಾಕಿ ಬರುವ ದಿನದ ಭರವಸೆಯಲ್ಲಿ ತ್ಯಾಗ ಸಹಿತ ಸ್ವಾರ್ಥ ರಹಿತ ಹೊಸ ನಾಡನು ಕಟ್ಟವಾ ಹೊಸ ಹುರುಪನು ಪಡೆಯುತ್ತಾ ನಾಡಿಗಾಗಿ ಭಾಷೆಗಾಗಿ ನಮ್ಮ ನೆಲದ ಉಳಿಗಾಗಿ ಕನ್ನಡಾಂಬೆ ಕುವರರೆಲ್ಲ ಅಳಿಲು ಭಕ್ತಿ ತೋರುತ್ತಾ ಮರಳ ಸೇವೆ ಮಾಡೋಣಾ……

ವರದಿ: ಮಲ್ಲು ಬೋಳನವರ